Deputeti i Lëvizjes Vetëvendosje, Fatmir Humolli në seancën e sotme, ashtu siç kishte paralajmëruar, ka braktisur Grupin Parlamentar të Lëvizjes Vetëvendosje dhe është ulur ndaras nga kolegët e tij të kësaj partie.
Humolli është ulur tek ulëse e deputetëve opozitarë, afër grupit parlamentar të Aleancës për Ardhmërinë e Kosovës.
Shefja e grupit parlamentar të LVV-së, Mimoza Kusari-Lila shkoi dhe bisedoi me Humollin, por duket se biseda e saj nuk rezultoi me sukses, pasi deputeti i LVV vazhdoi të qëndrojë ulur në rreshtin e deputetëve opozitarë, si i pavarur.
Ndryshe, Humolli, një ditë më herët (të martën) kishte paralajmëruar se nga dita e mërkurë (sot) do të jetë deputet i pavarur në Kuvendin e Kosovës.
Ai ka thënë se ky vendim ka ardhur pas pakënaqësive të tij në Vetëvendosje dhe për shkak se subjekti në fjalë nuk i ka marrë parasysh kërkesat e tij.
<p>The post Humolli mban fjalën, braktis Grupin Parlamentar të LVV-së dhe ulet i vetëm si deputet i pavarur first appeared on Gazeta Online Reporteri.net.</p>
