Policia e Kosovës ka demantuar lajmin për kinse arrestimin e kreut të Federatës së Futbollit të Kosovës, Agim Ademi.
Përmes një njoftimi zyrtar, nga policia kanë konfirmuar se kreu i FFK-së është ftuar për t’u intervistuar gjatë ditës së nesërme, përcjell gazeta online Reporteri.net.
“Ndërsa raportimi në media për kinse arrestimin e kreut të FFK-së nuk qendron dhe se nuk ka ndonjë urdhër arrest siq raportohet, por të njëjtit i është lënë një ftesë për tu paraqitur në polici për intervistim gjatë ditës së nesërme”, tha Policia e Kosovës në njoftim.
Në dy-tri vjetët e fundit ka pasur raportime në media se Federata e Futbollit e Kosovës ka qenë duke u hetuar nga prokuroria, policia e krimeve ekonomike dhe inteligjenca doganore për keqpërdorimin e fondeve dhe shmangie tatimore.
Kjo ftesë për intervistë ndaj Agim Ademit vjen katër ditë para ndeshjes së Kombëtares së Kosovës si mysafire e Israelit në kuadër të kualifikimeve për “Euro 2024”.
Ditë më pare, Ademi është shpallur i pafajshëm për një aktakuzë të ngritur ndaj tij në vitin 2012, për të cilën fillimisht ishte dënuar në dy shkallë të gjyqësorit me 9 muaj burgim efektiv, por që pastaj Supremja e kishte quar në rigjykim rastin e tij dhe në fund u shpall i pafajshëm nga Gjykata Themelore e Prishtinës.
Ademi ishte arrestuar para një viti nga Policia, nën dyshimin për kryerje të sulmit fizik ndaj një punëtori të FFK-së.
<p>The post Policia: Agim Ademi nuk u arrestua ende, ka vetëm ftesë për intervistim nesër në polici first appeared on Gazeta Online Reporteri.net.</p>
