16.8 C
New York
Thursday, June 8, 2023

Buy now

Pas pauzës së dytë, rinisin bisedimet në Ohër

Pas pauzës së dytë kanë vazhduar diskutimet mes kryeministrit të Kosovës Albin Kurti dhe presidentit të Serbisë Aleksandar Vuçiq, siç raporton REL. Në takimin trepalësh po marrin pjesë edhe përfaqësuesi i lartë të Bashkimit Evropian, Josep Borrell, dhe emisari i BE-së për dialogun Kosovë-Serbi, Miroslav Lajçak, shkruan gazeta online Reporteri.net.

Tashmë janë bërë mbi dhjetë orë që kur takimet kanë nisur që në orët e mëngjesit.

Kryeministri i Kosovës, Albin Kurti, dhe presidenti serb, Aleksandar Vuçiq fillimisht, siç ka qenë praktikë e deritanishme, kanë biseduar ndaras me ndërmjetësuesit evropianë të udhëhequr nga shefi i diplomacisë evropiane, Josep Borrell, dhe emisari Mirosllav Lajçak, e më pas pasdite kanë nisur një takim trepalësh.

Deri më tani nuk ka asnjë informacion zyrtar rreth diskutimeve. Siç është raportuar përfaqësuesi i lartë i BE-së, Josep Borrell pritet t’u adresohet mediave pas takimit.

Ky takim vjen pas takimit në Bruksel të mbajtur më 27 shkurt, kur Borrell njoftoi se të dyja palët ranë dakord se nuk nevojiten bisedime të mëtejshme për propozimin evropian dhe se kjo është korniza për normalizimin e marrëdhënieve. Në të njëjtën ditë u publikua teksti i marrëveshjes, i cili përmban 11 nene.

Në cilësinë e vëzhguesit, në Ohër po merr pjesë edhe emisari amerikan, Gabriel Escobar.

Escobar, tha se pret finalizimin e aneksit të zbatimit të marrëveshjes drejt normalizimit midis Kosovës dhe Serbisë.

Ai përsëriti se sot nuk pret nënshkrime. /Reporteri.net/

<p>The post Pas pauzës së dytë, rinisin bisedimet në Ohër first appeared on Gazeta Online Reporteri.net.</p>

Related Articles

LEAVE A REPLY

Please enter your comment!
Please enter your name here

Stay Connected

0FansLike
3,795FollowersFollow
0SubscribersSubscribe
- Advertisement -spot_img

Latest Articles

Generated by Feedzy