Kryeministri i vendit, Albin Kurti, tashmë ka arritur në Ohër, aty ku nesër do ta zhvillojë takimin e rëndësishëm në kuadër të dialogut, me presidentin e Serbisë, Aleksandar Vuçiq.
Nga Ohri, Kurti ka njoftuar se ka zhvilluar një bisedë telefonike me Këshilltarin e Lartë të DASh, Derek Chollet, shkruan gazeta online Reporteri.net.
Kreu i ekzekutivit i ka konfirmuar Cholletit se Kosova është e përkushtuar që takimi i nesërm të jetë i suksesshëm.
“Diskutuam rëndësinë e kësaj fundjave për Kosovën, rajonin, integrimin euroatlantik dhe sigurinë. Theksova se jemi të përkushtuar që e nesërmja të jetë e suksesshme”, njoftoi Kurti në Twitter.
Upon my arrival in Ohër/Ohrid ahead of tomorrow’s talks, I had a phone call with @CounselorDOS Chollet.
We discussed the importance of this weekend for Kosova, the region, Euro-Atlantic integration, and security. I emphasized that we are committed to making tomorrow a success. pic.twitter.com/LKpoTg6zVO— Albin Kurti (@albinkurti) March 17, 2023
Takimin mes kryeministrit Kurti dhe presidentit Vuçiq, do ta ndërmjetësojë emisari i BE-së për dialogun Kosovë-Serbi, Miroslav Lajçak, i cili po ashtu ka zbarkuar në Maqedoni të Veriut.
Në takim, pjesëmarrës do të jetë edhe Përfaqësuesi i Lartë i BE-së, Josep Borrell derisa në emër të ShBA-ve, takimi do të vëzhgohet edhe nga emisari amerikan, Gabriel Escobar. /Reporteri.net/.
<p>The post Kurti në Ohër, telefonatë me Cholletin: Kosova e përkushtuar që e nesërmja të jetë ditë suksesi first appeared on Gazeta Online Reporteri.net.</p>
