Zëdhënësi i Departamentit Amerikan të Shtetit, Ned Price tha se SHBA-ja mbetet palë aktive në normalizimin e marrëdhënieve ndërmjet Prishtinës dhe Beogradit dhe mbështet fuqishëm vazhdimin e negociatave të ndërmjetësuara nga BE.
Ai tha se angazhimi i SHBA-së ka qenë i madh gjatë kësaj administrate.
“Unë mendoj se ju e keni parë këtë gjatë kësaj administrate. Vetëm kohët e fundit, Zëvendës ndihmës sekretari ynë Gabriel Escobar, së bashku me përfaqësues të lartë të BE – Gjermania, Franca dhe Italia – udhëhoqën një mision të përbashkët në Prishtinë dhe Beograd për të diskutuar një propozim për normalizimin e marrëdhënieve ndërmjet Kosovës dhe Serbisë”, tha Price.
Ai po ashtu shtoi se mesazhi i Shteteve të Bashkuara të Amerikës për Kosovën është që sa më shpejtë të fillojë procesi për themelimin e Asociacionit të Komunave me Shumicë serbe.
Kështu u shpreh ai para një konferencë për media, teksa shtoi se SHBA-të inkurajojnë përfaqësuesit serbë të kthehen sa më shpejtë në institucionet e Kosovës.
“Ne kërkojmë nga palët që të përmbushin përgjegjësitë e tyre. Si Kosova ashtu edhe Serbia duhet të zbatojnë marrëveshjet të cilat tashmë i kanë nënshkruar përmes procesit të dialogut duke përfshirë formimin e Asociacionit të Komunave me Shumicë serbe”, u shpreh ai.
Kujtojmë se në Kosovë po qëndron, i dërguari special i Bashkimit Evropian për dialogun Kosovë-Serbi, Miroslav Lajçak.
Ai pas një darke pune që pati mbrëmë me kryeministrin Albin Kurti dhe zëvendësin e tij, Besnik Bislimi, tha se se me ta pati diskutime të hapura dhe intensive. Lajçak tha se me Kurtin e Bislimin u dakorduan për zbatimin e të gjitha marrëveshjeve të kaluara.
“U ktheva në Kosovë sot për t’i vazhduar diskutimet e mia të sinqerta, të hapura dhe intensive me kryeministrin Albin Kurti dhe zv.kryeministrin Bisnik Bislimin, për hapat e ardhshëm dhe rrugën përpara për normalizimin e marrëdhënieve me Serbinë. Ne gjithashtu u dakorduam që të gjitha marrëveshjet e kaluara të dialogut, të zbatohen plotësisht”, shkroi Lajçak. /Reporteri.net/
Back in Kosovo today to continue my frank, open and intense discussions with PM @albinkurti and DPM @BislimiBesnik on next steps and the way forward on normalisation of relations with Serbia. We also agreed that all past Dialogue Agreements must be fully implemented. pic.twitter.com/zURabtdEmF
— Miroslav Lajčák (@MiroslavLajcak) January 25, 2023
Lajçak pas takimit me Kurtin e Bislimin: U pajtuam për zbatimin e të gjitha marrëveshjeve të kaluara
<p>The post DASH: ShBA-ja mbetet palë aktive në normalizimin e marrëdhënieve ndërmjet Kosovës e Serbisë first appeared on Gazeta Online Reporteri.net.</p>
