Kreu i Partisë së Lirisë, Ilir Meta, ka reaguar në lidhje me sulmet ndaj policisë së Kosovës në veri dhe ka bërë apel që të shmanget çdo provokim.
Reagimi i Ilir Metës:
Dënoj me ashpërsinë më të madhe aktet e papranueshme të dhunës dhe sulmet e armatosura ndaj Policisë së Kosovës dhe personelit ndërkombëtar në Veri të Republikës së Kosovës dhe u bëj thirrje institucioneve të drejtësisë të venë sa më parë para drejtësisë autorët e tyre.
Apeloj fuqimisht domosdoshmërinë e shmangies së çdo provokimi dhe në veçanti të përshkallëzimit të çdo forme tensioni që minon sigurinë në Kosovë dhe që rrezikon paqen dhe stabilitetin në rajonin tonë.
<p>The post Tensionet në veri të Kosovës, Meta: Të shmanget çdo provokim first appeared on Gazeta Online Reporteri.net.</p>
