Ambasadori gjerman, Jorn Rohde, ka dënuar sulmin që i është bërë një patrulle të EULEX’it derisa po patrullonin në veri.
Në reagimin e tij, Rohde tha se dhuna ndaj pjesëtarëve të sigurisë duhet të ndalet menjëherë, shkruan gazeta online Reporteri.net.
“EULEX-i kontribuon në ofrimin e sigurisë për të gjithë qytetarët. Dhuna kundër EULEX-it dhe ofruesve të tjerë të sigurisë duhet të ndalet menjëherë”, ka shkruar Rohde.
#EULEX contributes to providing safety and security to all citizens. Violence against EULEX and other security providers needs to stop now. https://t.co/zJ15eNR2Xm
— Ambassador Jörn Rohde (@GermanAmbKOS) December 11, 2022
Ndaj këtij sulmi ka reaguar edhe ambasadori amerikan, Jeffrey Hovenier.
Hovenier tha se ShBA’të e dënojnë fuqishëm këtë sulm dhe sulmet tjera ndaj Policisë së Kosovës, transmeton gazeta online Reporteri.net.
Sulme të tilla, Hovenier tha se janë të paparanueshme.
“SHBA i bashkohet #EULEX-it në dënimin e fuqishëm të sulmit ndaj një patrulle të EULEXIT, mbrëmë. Sulmet e dhunshme ndaj Policisë së Kosovës dhe personelit të sigurisë ndërkombëtare janë të papranueshme dhe autorët duhet të mbajnë përgjegjësi përmes sistemit të drejtësisë kosovare”, ka shkruar Hovenier.
The U.S. joins #EULEX in strongly condemning the attack on a @EULEXKosovo patrol last night. Violent attacks on Kosovo Police and international security personnel are unacceptable and those responsible must be held accountable through the Kosovan justice system. https://t.co/WZvtW5CE56
— Ambassador Jeff Hovenier (@USAmbKosovo) December 11, 2022
Përmes një komunikate për media, EULEX njofton se nuk ka pasur lëndime apo dëme materiale nga ky sulm, përcjell Reporteri.net.
“Konfirmojmë se një bombë çorientuese (shok-bombë) është hedhur ndaj një patrulle vëzhguese të EULEX-it mbrëmjen e kaluar (10.12) në afërsi të Rudares. Asnjë zyrtar i Njësisë Policore të Specializuar të EULEX-it nuk është lënduar dhe nuk janë shkaktuar dëme materiale”, bëhet e ditur në komunikatë. /Reporteri.net/.
<p>The post Sulmet ndaj EULEX’it dhe Policisë, ambasadori gjerman: Kjo dhunë duhet të ndalet menjëherë first appeared on Gazeta Online Reporteri.net.</p>
