Kryeministri i Kosovës, Albin Kurti në seancën e sotme të Kuvendit, ka thënë se Serbia e dëshiron Asociacionin, jo si vlerë për vete, por për ta përdorur si armë kundër shtetit të Kosovës.
Kurti thotë se nëse Serbia do ta dëshironte përnjëmend Asociacionin, gjëja e parë që do ta bënte është ta njihte pavarësinë e Kosovës, shkruan Reporteri.net.
“Nëse Serbia do ta dëshironte përnjëmend Asociacionin, gjëja e parë që do ta bënte është ta njihte pavarësinë e Kosovës. Nëse e don Asociacionin fort, atëherë e njeh pavarësinë.
Neve nuk na duhet, ata nuk e dojnë, s’kemi pse i japim kaq shumë prioritet apo jo”, tha Kurti.
Kurti tutje tha se po ta dëshironte Serbia Asociacion do ta kishte zbatuar me ata që e ka nënshkruar, e nuk do të kishte pritur që në pushtet të vijë kundërshtari më i madh i Asociacionit për ta zbatuar.
“Nuk mund të kërkosh në dialog, gjëra të cilat apriori nuk je i gatshëm ta imagjinosh ti zbatosh në shtëpinë tënde. Politika është profesion serioz, bisedimet e negociatat po ashtu.
A po i bie që Serbia paska pritur që unë të bëhem kryeministër për ta zbatuar atë. Pra e paskan pritur kundërshtarin më të madh të asociacionit për ta zbatuar. Po të ishte prioritet Asociacioni do ta kishin zbatuar me atë që e kanë nënshkruar.
Nuk e duan Asociacionin si vlerë për vete, por si armë kundër Kosovës”, u shpreh Kurti në seancën e Kuvendit.
<p>The post Kurti: A po i bie që Serbia ka pritur që unë si kundërshtari më i madh i Asociacionit, të vij në pushtet për ta zbatuar first appeared on Gazeta Online Reporteri.net.</p>
