Një aksident trafiku ka ndodhur në Obiliq, ku një automjet ka goditur dy këmbësorë, njëri prej të cilëve dyshohet se është fëmijë.
Rastin për Gazetën Online Reporteri.net e ka konfirmuar zëdhënësja e Policisë për Rajonin e Prishtinës, Florie Ahmeti.
Sipas Ahmetit, këmbësorët kanë lëndime të rënda dhe janë dërguar për tretman mjekësor.
“Sot rreth orës 19:00 kemi pranuar informatën se në rrugën “Hasan Prishtina” në Obiliq, ka ndodhur një aksident trafiku. Në këtë aksident kanë qenë të përfshirë, dy këmbësorë dhe një automjet. Si pasojë e aksidentit lëndime të rënda trupore kanë pësuar dy persona (këmbësorë) të cilët janë dërguar për tretman mjekësor. Me rastin po merret njësiti i trafikut”, ka deklaruar Ahmeti për Reporteri.net.
<p>The post Aksident i rëndë në Obiliq, vetura godet dy këmbësorë, njëri dyshohet se është fëmijë first appeared on Gazeta Online Reporteri.net.</p>
