Arbër Rexhaj, deputet i Lëvizjes Vetëvendosje, ka thënë se partia pjesë e së cilës është ai “asnjëherë nuk e ka lënë anash bashkimin kombëtar”.
Ai në T7, ka thënë se fitorja e Zvicrës ndaj Serbisë nuk është përdorur politikisht nga kryeministri Kurti.
“Ne asnjëherë nuk e kemi lënë anash bashkimin kombëtar, por kemi thënë se bashkimi kombëtar nuk bëhet menjëherë”, ka deklaruar ai.
Rexhaj po ashtu ka komentuar edhe deklaratat e kryeministrit shqiptar Edi Rama. Ka thënë se në vitin 2018 Rama kishte reaguar pozitivisht për Xherdan Shaqirin dhe Granit Xhakën, ndërsa tash kritikon reagimin e Kurtit për atë fitore.
Rama nuk e kishte përmendur direkt Kurtin, por Rexha thotë se kjo nënkuptohet se për kë e kishte.
<p>The post Deputeti i VV’së: Ne asnjëherë s’e kemi lënë anash bashkimin kombëtar first appeared on Gazeta Online Reporteri.net.</p>
