4.4 C
New York
E martë, 7 Shkurt, 2023

Buy now

“Është e frikshme!”, Mike Dean jep teorinë e gabimit të VAR-it për arsyen pse Cristiano Ronaldos iu dha një penallti e diskutueshme

Ish-gjyqtari i Ligës Premier, Mike Dean, ka thënë se është i mahnitur nga vendimi i frikshëm për të mos anuluar penalltinë e Cristiano Ronaldos për Portugalinë kundër Ganës të enjten mbrëma.

Ronaldo e kaloi në avantazh Portugalinë 1-0 me një goditje nga pika e bardhë që e pa atë të bëhej lojtari i parë që shënon në pesë turne të Kampionatit Botëror.

Pesë herë fituesi i Topit të Artë kishte fituar penalltinë, por ajo u mbulua me polemika pasi mbrojtësi i Southamptonit, Mohammed Salisu kishte kontaktuar me topin dhe Ronaldo u rrëzua në mënyrë teatrale.

Nuk pati asnjë kontroll nga VAR dhe as gjyqtari Ismail Elfath nuk u udhëzua të dilte në ekran për të parë vetë situatën.

Vendimi në fushë qëndroi dhe trajneri i Ganës, Otto Addo e përshkroi atë si një “dhuratë” – duke fajësuar gjithashtu zyrtarin për humbjen 3-2 të skuadrës së tij, transmeton Telegrafi.

Dean, i cili kohët e fundit u pensionua si gjyqtar në fushë, ndau shpjegimin e tij për mungesën e ndërhyrjes së VAR-it, duke e cilësuar se ishte një “gabim teknik” i mundshëm.

“Mbrojtësi prek qartë topin”, deklaroi Dean, sipas Daily Mail. “Ronaldo më pas prek pjesën e pasme të mbrojtësit, rrëzohet, nxiti kontakt”.

 

“Nuk është faji i arbitrit – ai e ka marrë vendimin në fushën e lojës. VAR-i, për mendimin tim, duhet të ishte përfshirë dhe ta ftonte arbitrin për ta parë”.

“Është e frikshme, më duhet të them. Unë jam i habitur. Më pëlqen të mbështes gjyqtarët gjatë gjithë kohës, por nuk mund të mbështesësh gjëra të tilla. Nuk mund të mbrosh të pambrojturin”.

“Duhet të ishte përmbysur, duhej të dilte në ekran, ta shihte. Mund të ketë pasur ndonjë defekt teknik për të cilin ne nuk dimë. Thjesht nuk mund ta kuptoj pse ai nuk u ftuar për te ekrani. 100 për qind është gabim”, vazhdoi ai.

Ndeshja e radhës për Portugalinë është një përballje me Uruguain më 28 nëntor përpara se të përballen me Korenë e Jugut më 2 dhjetor.

<p>The post “Është e frikshme!”, Mike Dean jep teorinë e gabimit të VAR-it për arsyen pse Cristiano Ronaldos iu dha një penallti e diskutueshme first appeared on Gazeta Online Reporteri.net.</p>

Related Articles

Stay Connected

0FansLike
3,699FollowersFollow
0SubscribersSubscribe
- Advertisement -spot_img

Latest Articles