7.2 C
New York
E premte, 9 Dhjetor, 2022

Buy now

Vranë 24 vjeçarin duke menduar se kanë një derr të egër në shënjestër, dy gjuetarët francez dalin në gjyq për “vrasjen nga pakujdesia”

Dy gjuetarë francez kanë dal para gjyqit në qytetin e Francës, Cahors, pasi akuzohen për vrasjen e një të riu me prejardhje britanike, që dyshohen se e ngatërruan me një derr të egër, gjatë gjuetisë. Ky rast penal, në Francë po shihet edhe si gjykim i kulturës dhe sigurisë së gjuetisë atje. 

Morgan Keane, 25 vjeç, vdiq pasi u godit me plumb në gjoks teksa po priste dru në tokën e tij, pranë Calvignac në Lot të Francës jugperëndimore, në dhjetorin e vitit të shkuar. Gjuetari që e qëlloi të shtënën fatale, Julien Féral, 35 vjeç, tha se ai e ngatërroi Keane me një derr të egër që e kishte vënë në shënjestrën e pushkës së tij.

Gjykatësi, duke përshkruar sesi gjuetia – e përshkruar nga hetuesit si “krejtësisht e çorganizuar” dhe “thelbësisht e rrezikshme” – tha se ishte “mrekulli” që një aksident i ngjashëm nuk kishte ndodhur më parë, shkruan “The Guardian“, përcjell në shqip gazeta online Reporteri.net.

I akuzuari, Féral i tha gjykatës se e “njoh gabimin tim dhe pendohem për të”.

“Këtë e kam thënë gjithmonë. Më vjen sinqerisht keq për familjen. Ata janë gdhendur në kokën time për jetë. Nuk kalon ditë që të mos i mendoj. Mund të them vetëm se më vjen keq”, tha ai.

Burri tjetër i akuzuar në këtë rast, Laurent Lapergue, 51 vjeç, i cili drejtonte gjuetinë dhe akuzohet gjithashtu për vrasje nga pakujdesia, mohoi përgjegjësinë. Ai tha se u kishte dhënë të gjithë gjuetarëve të pranishëm atë ditë rregullat e sigurisë përpara se të niseshin, një pretendim i mohuar nga Féral dhe dëshmitarë të tjerë në gjyq.

“Unë i përsërita rregullat siç kërkohet, por jo të gjithë dëgjojnë gjithmonë,” tha Lapergue. Gjuetia ishte “e kontrolluar në mënyrë të përkryer”, shtoi ai, “por ndoshta jo 100%”.

Féral nuk duhet të kishte qëlluar nga vendi ku ishte dhe me një gardh të lartë para tij, tha ai. “Për mua kjo ishte e pamundur. Nuk mund të shihje më shumë se tre metra”, tha Lapergue në gjykatë.

“Dhe megjithatë një e shtënë u qëllua,” tha gjyqtari. Në gjyq pati heshtje, pas këtij konstatimi të gjyqtarit francez, përcjell gazeta online Reporteri.net, raportin e “The Guardian”.

I ndjeri Morgan Keane dhe vëllai i tij Roëan, 24 vjeç, kishin jetuar vetëm në pronën e largët me pamje nga lumi Lot në Francë, pas vdekjes së nënës së tyre franceze në vitin 2016 dhe babait të tyre britanik, Michael, në 2019.

Avokati i Roëan Keane, Benoît Coussy, përloti të pranishmit në gjykatë ndërsa përshkroi sesi plumbi kaloi nëpër mushkëritë dhe zemrën e Morgan Keane. Ai tha se akuza duhej të ishte një vrasje.

“Ai [Morgan] kaloi 15 minuta duke vdekur. Raporti i autopsisë e bën të vështirë leximin. Plumbi i madh i shpoi mushkëritë dhe zemrën dhe ai u mbyt në gjakun e tij. Ky është realiteti. Për 15 minuta ai po qante.”

“Jeta e Morgan përfundoi në pyllin ku ai shkoi për të prerë dru. Por historia nuk filloi aty, por disa vite më parë, kur babai i Morgan me mirësjellje u kërkoi gjuetarëve të shkonin diku tjetër për të qëlluar. Ai ishte i huaj dhe në të njëjtën kohë jo gjahtar dhe bota e gjuetisë është mjaft e egër. Nëse nuk jeni gjuetar do të thotë se jeni kundër gjuetisë”.

Roëan Keane, vëllai i viktimës, ishte i ulur, me fytyrë të zymtë, në rreshtin e parë të stolave të gjyqit. Që nga humbja e vëllait të tij, ai i është bashkuar marinës franceze.

Në gjyq u tha se i akuzuari, Féral, në ditën kur ndodhi vrasja, kishte qëlluar katër herë në drejtim të një derri të egër, por e kishte humbur atë nga shënjestra. “Keni qëlluar katër herë?” pyeti gjyqtari. /Reporteri.net/.

<p>The post Vranë 24 vjeçarin duke menduar se kanë një derr të egër në shënjestër, dy gjuetarët francez dalin në gjyq për “vrasjen nga pakujdesia” first appeared on Gazeta Online Reporteri.net.</p>

Related Articles

LEAVE A REPLY

Please enter your comment!
Please enter your name here

Stay Connected

0FansLike
3,598FollowersFollow
0SubscribersSubscribe
- Advertisement -spot_img

Latest Articles

Generated by Feedzy