8.1 C
New York
E diel, 27 Nëntor, 2022

Buy now

Dimri i ftohtë afër, Rusia thotë se do ta vazhdojë luftën në Ukrainë pavarësisht motit

Moska do ta vazhdojë luftën në Ukrainë pavarësisht temperaturave të ulëta e kushteve të dobëta atmosferike që kanë goditur vendin, ka thënë një zëdhënës i Kremlinit para gazetarëve të enjten, përcjell Gazeta Online Reporteri.net.

I pyetur lidhur me miliona ukrainas që kanë mbetur pa rrymë pas sulmeve të shumta raketore këtë javë, si dhe me pritshmëritë se do të ulen temperaturat, zëdhënësi Dmitry Peskov, tha se sulmi i tyre nuk varet nga kushtet e motit.

“‘Operacioni special ushtarak’ vazhdon, dhe vazhdimësia e tij nuk varet nga kushtet atmosferike”, citohet të ketë thënë ai, raporton CNN.

Sipas Peskov, autoritetet e Kievit nuk janë të gatshme të negociojnë. Dhe nëse janë, ata duan negociata “publike”, të cilat Moska nuk i pranon.

“Është e vështirë të mbahen negociata publike, dhe aq më tepër në një situatë të tillë”, tha Peskov.

I pyetur më tej se pse miliona civilë po vuajnë pa energji elektrike dhe ngrohje, Peskov ia la fajin “mosgatishmërisë së palës ukrainase për të zgjidhur problemet, për të hyrë në negociata”.

Presidenti ukrainas, Volodymyr Zelensky, ka thënë vazhdimisht se Ukraina ishte e gatshme të angazhohej në bisedime diplomatike me rusët. Por, ai nënshkroi një dekret në fillim të tetorit duke përjashtuar çdo negociatë me presidentin rus, Vladimir Putin.

Ky dekret erdhi si përgjigje ndaj aneksimit të vetëshpallur nga Rusia të territoreve në Ukrainën lindore pas referendumeve të rreme atje.

Lufta e paprovokuar e Rusisë në Ukrainë ka hyrë në muajin e dhjetë të saj. /Reporteri.net/.

<p>The post Dimri i ftohtë afër, Rusia thotë se do ta vazhdojë luftën në Ukrainë pavarësisht motit first appeared on Gazeta Online Reporteri.net.</p>

Related Articles

LEAVE A REPLY

Please enter your comment!
Please enter your name here

Stay Connected

0FansLike
3,582FollowersFollow
0SubscribersSubscribe
- Advertisement -spot_img

Latest Articles

Generated by Feedzy