5.1 C
New York
E premte, 9 Dhjetor, 2022

Buy now

Abdixhikun e presin në Pentagon, ndryshe nga Kurti – “Një ndër pritjet më të rëndësishme të vizitës në ShBA”

Kryeministri i Kosovës, Albin Kurti, s’ka shkelur këmbë deri më tash në Pentagon, por Kryetari i Lidhjes Demokratike të Kosovës, Lumir Abdixhiku po, përcjell Reporteri.net.

Në vazhdën e vizitave të Abdixhikut, ky i fundit njoftoi për pritjen e tij në Pentagon, i shoqëruar nga deputeti i LDK’së, Kujtim Shala dhe anëtarja e LDK’së, Jehona Lushaku.

“Në Pentagon, tempullin e mbrojtjes së demokracisë dhe vet lirisë. Një ndër pritjet më të rëndësishme të kësaj vizite”, njoftoi Abdixhiku.

Abdixhiku u takua gjithashtu edhe me zëvendësnihmës sekretarin amerikan të shtetit dhe të dërguarin e posaçëm të ShBA’së për Ballkanin Perëndimor, Gabriel Escobar.

“Z.Escobar i prezantuam dhe pikëpamjet tona mbi gjendjen e fundit të sigurisë në Kosovë, si dhe nevojën e koordinimit të ngushtë të institucioneve të Kosovës me SHBA-të dhe me partnerët e tjerë”.

“Koordinimi i tillë është garanci për të kapërcyer të gjitha sfidat. Në frymën e diskutimit që pata sot në Departamentin e Shtetit, shpreh edhe një herë shqetësimin tim dhe të LDK-së për shkallën në të cilën institucionet e Kosovës e kanë degraduar raportin me Qeverinë amerikane”, shkroi Abdixhiku në Facebook para dy dite.

Kujtojmë se tre ministrave të qeverisë Kurti iu është mohuar udhëtimi për në ShBA për shkak të situatës në pjesën veriore të vendit.

Këtë e ka bërë të ditur edhe vetë ambasadori amerikan në Prishtinë, Jeff Hovenier, i cili është shprehur se tash për tash “nuk është koha më e mirë që ministrat të udhëtojnë për në ShBA” duke u thirrur në krizën aktuale në vend./Reporteri.net/

<p>The post Abdixhikun e presin në Pentagon, ndryshe nga Kurti – “Një ndër pritjet më të rëndësishme të vizitës në ShBA” first appeared on Gazeta Online Reporteri.net.</p>

Related Articles

LEAVE A REPLY

Please enter your comment!
Please enter your name here

Stay Connected

0FansLike
3,598FollowersFollow
0SubscribersSubscribe
- Advertisement -spot_img

Latest Articles

Generated by Feedzy