9.7 C
New York
E enjte, 8 Dhjetor, 2022

Buy now

“Guvernatori mesatar Republikan” që mund ta mbajë ish-Presidentin Trump larg Shtëpisë së Bardhë

Ish-presidenti Donald Trump, tashmë edhe zyrtarisht ka bërë publike kandidaturën e tij për President të Shteteve të Bashkuara të Amerikës. Sidoqoftë, kjo garë po duket të jetë sfiduese për të, marrë parasysh edhe rezultatet e fundit të Partisë Republikane në zgjedhjet e mesmandatit. Sondazhet e fundit shpallin guvernatorin e Floridës, DeSantis, si kandidat të denjë me të cilin Trump nuk do ta ketë të lehtë përballjen.

Ron DeSantis, i rizgjedhur guvernator i Floridës me gati 60% të votave, është parë në të kaluarën si trashëgimtari i Donald Trump, raporton Sky News, përcjell Gazeta Online Reporteri.net.

Disa e kanë konsideruar atë si “Trump 2.0”, një version “kopje” e ish-presidentit amerikan.

Sondazhet e para shtetërore shpërfaqin se DeSantis e ka mundur Trumpin me përqindje të theksuar në disa shtete, prej tyre me 11 pikë në Ioëa e 26 në Florida.

Në një deklaratë të gjatë, Trump e quajti DeSantis një “guvernator mesatar Republikan me marrëdhënie të shkëlqyera me publikun”.

Këtij të fundit nuk po i bëjnë shumë përshtypje emërimet e ish-Presidentit Trump. Kur u pyet për këto komente, DeSantis tha se janë “thjesht zhurmë”.

Ai e quajti fitoren e tij në garën për guvernator si “fitorja më e madhe republikane në historinë e shtetit të Floridës”.

Zyrtare: Trump shpall kandidaturën për president

Performanca e dobët e Partisë Republikane në zgjedhjet e mesmandatit dhe dështimi i një sërë kandidatësh të mbështetur nga Trump ka bërë që shumë të kenë dyshime nëse ish-presidenti Trump është lideri i duhur për të kandiduar për Shtëpinë e Bardhë në zgjedhjet e ardhshme, shkruan tutje Sky News, përcjell Reporteri.net.

Ish-zëvendëspresidenti i tij, Mike Pence, ka sugjeruar se do të ketë “zgjedhje më të mira” për votuesit republikanë dhe se kandidati Ron DeSantis i Floridës po merr shumë vëmendje si një sfidues i mundshëm i Trumpit në zgjedhje.

Trump vazhdon të mbetet një figurë tejet polarizuese, duke shkaktuar ndarje mes votuesve. Sipas disa sondazheve të Associated Press, 54 për qind e votuesve në zgjedhjet e fundit të mesmandatit, “e kanë parë me sy të keq” ish-presidentin Trump, sondazh ky i bërë me rreth 95 mijë amerikanë.

Derisa në një sondazh tjetër në tetor, 43% e të anketuarve kanë shprehur se nuk duan që Trump të kandidojë për zgjedhjet e ardhshme.

Donald Trump të martën në mbrëmje njoftoi kandidaturën e tij për nominimin presidencial republikan në vitin 2024, duke shkaktuar një mal trazirash në politikën amerikane dhe veçanërisht partinë e tij politike.

“Për ta bërë Amerikën të madhe dhe të lavdishme përsëri, unë sonte po shpall kandidaturën time për president të Shteteve të Bashkuara”, tha Trump. /Reporteri.net/.

<p>The post “Guvernatori mesatar Republikan” që mund ta mbajë ish-Presidentin Trump larg Shtëpisë së Bardhë first appeared on Gazeta Online Reporteri.net.</p>

Related Articles

LEAVE A REPLY

Please enter your comment!
Please enter your name here

Stay Connected

0FansLike
3,601FollowersFollow
0SubscribersSubscribe
- Advertisement -spot_img

Latest Articles

Generated by Feedzy