3.5 C
New York
E hënë, 6 Shkurt, 2023

Buy now

Daçiç për çështjen e targave: Kurti s’e vazhdon afatin sepse e di që s’vuan pasoja, Serbia po

“Mos na detyroni ta mbrojmë veten dhe ne s’e sulmojmë askënd”, ka thënë ministri serb i jashtëm, Ivica Daçiç, në një intervistë në Tv Pink, duke folur për çështjen e skadimit të afatit për riregjistrimin e targave në RKS, shkruan gazeta online Reporteri.net.

Daçiç në linjë me narracionin e presidentit serb, Aleksandar Vuçiç, tha se “nuk do të lejojmë pogrom” duke e përdorur si referencë vitin 2004, përkatësisht Trazirat e Marsit.

Përveç kësaj, Daçiç vlerëson se kryeministri kosovar s’bartë asnjë pasojë nëse nuk përfill kërkesën e QUINT’it për shtyrje të afatit për dhjetë muaj.

“Mesazhi ynë është se do të bëjmë gjithçka për paqe, por sigurisht se do të bëjmë gjithçka për të ruajtur serbët – por cilat janë pasojat? Cila janë pasojat për Kurtin dhe Prishtinën nëse nuk pajtohen për shtyrjen e afatit për riregjstrimim? Kurti e di që nuk do të vuajë pasoja, ndryshe nga Serbia, e cila kërcënohet me ‘rrahje’”, ka thënë Daçiç, përcjell Reporteri.net.

Kryediplomati serb u shpreh se për Serbinë “është e domosdoshme” që të merr pjesë në dialog dhe të mos provokojë situata, “të cilat do t’i jepnin mundësinë dikujt të thotë se Serbia është faktor disruptiv”.

Pyetur rreth marrëdhënieve serbo-ruse, Daçiç u shpreh se Serbia do të mbrojë interesat e saj kombëtare.

Ivica Daçiç në zgjedhjet parlamentare të 3 prillit ka udhëhequr fushatën kryesisht në tri zotime: “Kurrë në NATO, kurrë sanksione ndaj Rusisë dhe kurrë njohjen e pavarësisë së Kosovës”./Reporteri.net/

<p>The post Daçiç për çështjen e targave: Kurti s’e vazhdon afatin sepse e di që s’vuan pasoja, Serbia po first appeared on Gazeta Online Reporteri.net.</p>

Related Articles

LEAVE A REPLY

Please enter your comment!
Please enter your name here

Stay Connected

0FansLike
3,699FollowersFollow
0SubscribersSubscribe
- Advertisement -spot_img

Latest Articles

Generated by Feedzy