8.1 C
New York
E diel, 27 Nëntor, 2022

Buy now

Von der Leyen sot në Kosovë, takohet me krerët e shtetit

Presidentja e Komisionit Evropian, Ursula von der Leyen, sot do të vizitojë Kosovën në kuadër të turneut të saj në Ballkanin Perëndimor.

Gjatë qëndrimit në Kosovë, presidentja Von der Leyen do të takohet me presidenten e Kosovës, Vjosa Osmani dhe kryeministrin Albin Kurti.

Në Presidencë, Von der Leyen pritet të jetë në orën 09:00 të paradites derisa bashkë në orën 10:05 pritet t’u adresohen mediave. Ndërkohë nga ora 10 e 30 presidentja e KE-së do të jetë në zyrën kryeministrore për takim me shefin qeveritar, Albin Kurti.

Pas takimit, bashkë me kryeministrin Albin Kurti dhe dy ministret Artane Rizvanolli të Ekonomisë dhe Arbërie Nagavci të Arsimit do të vizitojë projektin e financuar nga BE-ja për efiçiencën e energjisë.

Me rastin e vizitës së Presidentes së Komisionit Evropian, Ursula von der Leyen në Kosovë, Policia ka njoftuar se do të kujdeset për ofrimin e sigurisë dhe mirëmbajtjen e rendit dhe qetësisë publike gjatë kohës së lëvizjes së eskortës dhe qëndrimit të presidentes së KE-së, bashkë me delegacionin përcjellës në Kosovë.

Prandaj, Policia do të bëjë ndërprerje të përkohshme të qarkullimit të trafikut në intervale të shkurta kohore, të disa segmenteve rrugore drejt kryeqytetit, ku pritet të kalojë eskorta, për çka kanë kërkuar mirëkuptim nga qytetarët.

<p>The post Von der Leyen sot në Kosovë, takohet me krerët e shtetit first appeared on Gazeta Online Reporteri.net.</p>

Related Articles

LEAVE A REPLY

Please enter your comment!
Please enter your name here

Stay Connected

0FansLike
3,582FollowersFollow
0SubscribersSubscribe
- Advertisement -spot_img

Latest Articles

Generated by Feedzy