12.2 C
New York
E martë, 6 Dhjetor, 2022

Buy now

Afera 150 mijë euroshe, reagon ish kryeprokurori Dërguti: Së shpejti kthehem në Kosovë, menjëherë do të paraqitem para organeve të hetuesisë

Ish-kryeprokurori i Prokurorisë së Apelit, Haxhi Dërguti, ka reaguar pas publikimit në media të një afere korruptive, ku i përfshirë edhe ai dhe dy persona të tjerë.

Përmes një reagimi publik, Dërguti ka thënë se është i gatshëm për të bashkëpunuar me të gjitha organet kompetente për të sqaruar çdo sekuencë lidhur me këto publikime, në mënyrë që të zbardhet e vërteta, e sipas saj sipas tij, është ndryshe nga ajo që është paraqitur në media.

“Ne këto dy ditët e fundit nga mediumi Kallxo.com, janë publikuar emisione me video incizime e fotografi, në të cilat kam qenë i përfshirë edhe unë, e të cilat janë marr në mënyrë të pa autorizuar!”, ka thënë ai, në një komunikatë për media të mërkurën.

“Duke e kuptuar ndjeshmërinë e rastit dhe i vetëdijshëm për përcepcionin e krijuar në publik pas këtyre publikimeve, ndjej për obligim që të ofrojë gatishmërinë time të plotë për bashkëpunim me të gjitha organet kompetente për të sqaruar çdo sekuencë lidhur me këto publikime, në mënyrë që të zbardhet e vërteta e kësaj çështje, e vërtetë kjo e cila është krejtësisht ndryshe nga ajo çfarë është tentuar të paraqitet!”.

Tutje, ish-kryeprokurori Dërguti ka thënë se aktualisht gjendet jashtë vendit për vizitë lidhur me disa kontrolla mjekësore të paracaktuara me herët, dhe sapo t’i përfundojë ato do të kthehet në Kosovë e të paraqitet vullnetarisht para organeve të rendit.

“Sapo të përfundojë kontrollet mjekësore, dhe sa më shpejtë që të jetë e mundur do të kthehem në Kosovë, ku do të paraqitem vullnetarisht, menjëherë para organeve kompetente ligjzbatuese, me qëllim të sqarimit dhe ballafaqimit kundër të gjitha pretendimeve të ngritura ndaj meje dhe në emër timin, në përmbajtjen e këtij emisioni, dhe me qëllim që e vërteta të zbardhet deri në fund”.

Gjatë ditës një komunikatë në lidhje me këtë rast e ka lëshuar edhe Prokuroria Speciale, duke thënë se i ka ndjekur me vëmendje këto publikime dhe se do të ndërmarrë të gjitha veprimet e nevojshme hetimore, për të gjithë personat e përfshirë në këtë rast.

Lidhur me këtë rast gjatë ditës së djeshme, reagoi edhe Ministrja e Drejtësisë, Albulena Haxhiu.

“Haxhi Dërguti ish kryeprokuror i Apelit dhe gjyqtarët por edhe secili person i përfshirë në skandalin e publikuar sot nga kallxo.com, duhet të arrestohen menjëherë. Fenomenet që kanë qenë të njohura prej kohësh, sot po i shohim e dëgjojmë” – ka shkruar Haxhiu në Facebook. /Reporteri.net

Afera 150 mijë euroshe e ish-kryeprokurorit, Prokuroria Speciale thotë se do të ndërmarrë të veprimet e nevojshme

<p>The post Afera 150 mijë euroshe, reagon ish kryeprokurori Dërguti: Së shpejti kthehem në Kosovë, menjëherë do të paraqitem para organeve të hetuesisë first appeared on Gazeta Online Reporteri.net.</p>

Related Articles

Stay Connected

0FansLike
3,597FollowersFollow
0SubscribersSubscribe
- Advertisement -spot_img

Latest Articles