8.1 C
New York
E diel, 27 Nëntor, 2022

Buy now

Lëvizja për Bashkim: Asociacioni, bosnjëzim përfundimtar i Kosovës


Një Asociacion me çfarëdo kompetencash ekzekutive vetëm se do ta legalizonte tërësisht dhe përfundimisht bosnjëzimin e shtetit të Kosovës, ka reaguar Lëvizja për Bashkim pas publikimit të një draft-Statuti të Asociacioni të Komunave me shumicë serbe në media, raporton gazeta online Reporteri.net.

Edhe kështu siç qëndrojnë aktualisht gjërat, Lëvzja për Bashkim thotë se shteti i është i bosnjëzuar. “Republika e Kosovës, – me të drejtën e pakicave për votim të dyfishtë, të sanksionuar në Kushtetutë, në njërën anë; dhe me pushtetin ilegal nëpër komuna me shumicë serbe, në anën tjetër, – tashmë është e bosnjëzuar”.

Lëvizja për Bashkim shpreht se tash e 9 vjet Asociacioni i Komunave me shumicë serbe “është bërë sinonim i legalizimit të një autonomie politike të pakicës serbe brenda shtetit të Kosovës”.

“Bartësit e institucioneve të shtetit të Kosovës kanë hezituar dhe hezitojnë ta jetësojnë atë. Madje edhe qeveritë që e kanë nënshkruar marrëveshjen për “Asociacionin…”, kanë hezituar ta jetësojnë. Ndërsa qeveria e tanishme e ka demonstruar edhe forcërisht qëndrimin kundër jetësimit të këtij asociacioni”, shkruan kjo lëvizje politike.

Reagimi i plotë:

Çdo asociacion i komunave me shumicë serbe – bosnjëzon shtetin e Kosovës!

“Asociacioni i komunave me shumicë serbe” tash e 9 vjet është bërë sinonim i legalizimit të një autonomie politike të pakicës serbe brenda shtetit të Kosovës.

Bartësit e institucioneve të shtetit të Kosovës kanë hezituar dhe hezitojnë ta jetësojnë atë. Madje edhe qeveritë që e kanë nënshkruar marrëveshjen për “Asociacionin…”, kanë hezituar ta jetësojnë. Ndërsa qeveria e tanishme e ka demonstruar edhe forcërisht qëndrimin kundër jetësimit të këtij asociacioni.

Në mënyrë që shteti i Kosovës ta përpijë më lehtë jetësimin e këtij asociacioni, disa segmente të politikës sonë, e sidomos miqtë ndërkombëtarë, thonë se asociacioni të bëhet në përputhje me Kushtetutën e Kosovës dhe pa kompetenca ekzekutive. Këtë të fundit nuk e përmendin qartë miqtë ndërkombëtarë.

Mirëpo, sado që do të ishte në përputhje me Kushtetutën e tanishme të Kosovës një asociacion i komunave me shumicë serbe – dhe sado pak kompetenca të kishte – një asociacion i tillë do ta bënte shtetin e Kosovës edhe më pak funksional sesa është tani.  

Që të jemi më të saktë: Republika e Kosovës, – me të drejtën e pakicave për votim të dyfishtë, të sanksionuar në Kushtetutë, në njërën anë; dhe me pushtetin ilegal nëpër komuna me shumicë serbe, në anën tjetër, – tashmë është e bosnjëzuar. Një asociacion i komunave me shumicë serbe, me çfarëdo kompetencash, vetëm se do ta legalizonte tërësisht dhe përfundimisht bosnjëzimin e shtetit të Kosovës.

Lëvizja për Bashkim

Prishtinë, 21.10.2022

<p>The post Lëvizja për Bashkim: Asociacioni, bosnjëzim përfundimtar i Kosovës first appeared on Gazeta Online Reporteri.net.</p>

Related Articles

Stay Connected

0FansLike
3,582FollowersFollow
0SubscribersSubscribe
- Advertisement -spot_img

Latest Articles